NAALIMPUNGATAN si Elena sa sunod-sunod na tunog ng cellphone. Niyugyog niya ang balikat ni Sire dahil namimigat pa ang mga mata niya. Mag-uumaga na rin halos ng parehas silang makatulog ni Sire. At sa tantiya niya ay iilang oras pa lamang ang naiitulog nila.
"'Yung cellphone mo," halos paos pa niyang sabi rito.
Umungol lang ito bago kinapa sa bedside table ang nag-iingay nitong cellphone. "Hello," antok pa rin nitong bungad sa tumatawag. "Ha?" animo binuhusan ng malamig na tubig si Sire at tuluyang nagising ang inaantok pa ring diwa. "O-Okay po. Darating kami mamaya." Nahilot pa nito ang sentido. "Bye."
Napilitan siyang magmulat ng mga mata ng medyo yugyugin din ni Sire ang lantad niyang balikat. Napangiti pa siya ng masilayan ang kaguwapuhan ng asawa.
"Hmmm?"
Hinaplos nito ang pisngi
