Sa probinsya, umungol si JL.
Nataranta ang lalaking nagbabantay. Ang lalaki na nakakita kay JL sa kalsada. Dinala niya si JL sa bahay nila at ginamot. At ngayon ay parang magigising na ang kawawang si JL.
“Kuya Cris, nakakatakot naman siya,” boses ng dalagitang babae
“Ano ka ba, Annie. Kita mo naman na na sunog ang mukha niya, hindi ba?” saway ni Cris sa kapatid.
“Eh, bakit kaya nasunog ang mukha niya, Kuya?”
“Iyon ang hindi ko alam.” Ibinalik ni Cris ang tingin sa babaeng tinulungan niya na hanggang ngayon ay hindi pa rin nagkakamalay dalawang araw na ang nakakalipas mula nakita niya ito sa kalsada.
Sinabi na rin niya ang tungkol sa babae sa Kapitan ng lugar nila pero ang sabi sa kanya’y siya muna ang bahala habang kukuha sila ng impormasyon sa mga karatig lugar tungkol sa babae.
