"GOOD MORNING."
Ang mukha ng nakangiting si Gabriel ang unang bumungad kay Carmina sa pagmulat ng mga mata niya. Ilang beses pa siyang kumurap-kurap dahil buong akala niya ay nananaginip pa rin siya at nakatitig sa isang greek god na dumalaw sa kaniyang panaginip.
"Breakfast in bed," malambing pa nitong wika bago siya hinalikan sa mga labi.
Mariin siyang lumunok nang maramdaman ang malambot nitong mga labi. Gustuhin man niyang humiling ng isa pa ay tinablan na siya ng hiya. Lumabi na lamang siya upang malasahan ang tamis ng iniwang bakas ng mga labi nito. Natatawa naman siyang tinulungang makabangon ni Gabriel.
Hindi niya mapigilan ang sarili na ngumiti nang malapad sa nakita niya sa kama. Nasa harap lang naman niya si Gabriel habang abala nitong hinahalo ang kape na nasa puting tasa
