"DADALHIN mo siya sa pribadong isla at mananatili kayo roon ng isang linggo. Bakit?"
Ibinaba ni Gabriel ang hawak na bote ng alak at nilingon ang kaibigang si Zacharias. Matapos ng nangyari kanina sa opisina niya ay minabuti niyang bumalik sa restobar ng lalaki upang magliwaliw. Sumasakit ang ulo niya sa kaiisip sa mga mangyayari.
Marahas siyang nagbuga ng hangin. "Ano'ng bakit?"
Binawi ni Zacharias ang paningin nito at naiiling na tumawa. "Bakit mo siya dadalhin sa isla at manatili roon ng isang linggo?" Uminom ito sa sariling bote na hawak nito bago siya muling binalingan. "Dahil gusto mo siyang makasama bago kayo ikasal ni Cassadee?" Muli itong natawa at umiling. "Kilalang-kilala na kita, Gab. Hindi mo siya dadalhin doon nang walang dahilan. Lahat ng ginagawa mo, may rason."
Napang
