Kabanata 74 – Part II
Nakamasid ako ngayon sa pamilya Silvestre habang masaya silang kumakain ng hapunan. Katabi ni Elizabeth si Uno at sinusubuan ito ng pagkain. Bakas sa mukha ng bata ang labis na tuwa, at naiintindihan ko ‘yon. Alam kong wala nang mas sasaya pa kapag kasama mo ang mga magulang mo at kompleto kayong pamilya. Pero ‘yon din ang rason kung bakit mabigat ang pakiramdam ko simula pa kanina.
Ang saya nilang tingnan. Nakakatakot. Nangangamba ako sa posisyon ko sa buhay ni Alas. Paano kung isang araw magising siya at mapagtanto niyang mahal niya pa talaga si Elizabeth? Na baka nabulag lang siya ng galit niya sa kung ano man ang nagawa ng asawa niya sa kanya.
“Excuse me, can you add more juice?” utos sa akin ni Elizabeth at matamis na ngumiti sa akin.
Tumango lang ako at mab
