KRIS
Nagulantang si Sakahara sa narinig, laglag ang panga. Kahit ako man. At lalong-lalo na ang mga magulang ni Bastien na sumunod pala kay Sakahara.
“Ano ang sinabi mo, Bastien?” tanong ng may edad na lalaki na may malalim na boses at tisoy. Matangkad ito pero hindi kasing tangkad ni Bastien at saka may bilugang pangangatawan.
Napasulyap ako sa kasama nito, ang ina ni Bastien na mestiza rin, naka-bun ang pinakulayang buhok na pula at slim ang pangangatawan, may maraming alahas na animo’y pasan ang pawnshop. Mga lahing Kastila kasi sila kaya mga aristokrata ding tingnan. Napansin kong nahahati pala si Bastien sa mga magulang niya. ‘Yong mga mata niya at labi ay kuha sa ama samantalang ang ilo
