KRIS
“Liza! Ilang beses ko bang sasabihin sa ‘yong huwag na huwag kang magpapasok ng kahit na sino sa office ko?” Nanggagalaiti ako nang makita si Talia sa opisina ko at prenteng nakaupo mismo sa swivel chair ko na parang wala kaming napag-usapan noong huli niyang punta rito.
Nakayuko lang ang sekretarya ko habang nakangiti ngayon ang magandang si Talia.
“Don’t be so petty, hot stuff! She can’t say no to me after all.”
Laglag ang panga ko. Napatingin sa akin si Liza nang alanganin bago napabaling kay Talia.
“Sabi niya ikakasal na talaga kayo, Sir Kris kaya… hayan.” Pabulong ang pagkasabi niya sa akin.
Ulo ko lang ang ginamit sa pagsenyas sa kanyang umalis na para harapin ko na ngayon si Talia
