"Congrats," bati sa kanya ni Cherry nang lumabas ito mula sa opisina ni Calvin. Napaangat pa siya ng ulo at sinulyapan ito. Mag isa lang itong lumabas ng opisina, hindi na ito inihatid pa ni Calvin.
"Thanks," pasalamat niya.
"Gianna," tawag nito sa kanya at humakbang pa palapit sa desk niya. Tiningala naman niya ito para magpang abot ang kanilang mga mata.
"Nagbabait-baitan ka ba kay Calvin at hindi mo man sinabi sa kanya ang napag-usapan natin kahapon sa washroom?" Cherry asked.
Kumunot ang noo niya at bahagyang lumabi, matapos maintindihan ang sinasabi nito. Sinadya niyang hindi sabihin kay Calvin na nag-usap sila ni Cherry sa washroom kahapon. Dahil para sa kanya, hindi na dapat pang malaman ni Calvin ang tungkol sa mababaw na bagay na iyon. Isa pa marami silang mas dapat pag-usapan
