Mabilis siyang lumakad palabas ng elevator nang bumukas iyon para iwasan na agad si Darwin. Maayos na sila ni Calvin, ayaw na niyang magulo pa sila ulit ng asawa. Lahat ng alam niyang ayaw ng asawa niya ay iiwasan niya, para hindi na sila magka problema pa.
"Gianna,' tawag pa sa kanya ni Darwin. Nagtuloy lang siya hindi niya ito pinansin. Wala naman talaga siyang pakialam kay Darwin. Ginamit lang niya ito noon, para pagselosan si Calvin, at ngayon tapos na siya rito, nagtagumpay na siya.
Pagdating sa opisina ni Calvin agad tumayo ang secretary nito at binati siya.
"Nasa loob ba si Calvin?" Tanong niya sa secretary.
"O-opo Ma'am, Gianna," alanganing tugon ng secretary sa kanya. Kumunot ang noo niya, huminto siya sa tapat nito. Napansin niyang hindi ito makatingin sa kanya ng deretso. I
