"Calvin," muli niyang tawag sa binata at sinulyapan ito. Nakangiti ito habang nakatingin sa kanya.
"Ganito ang paraang alam ko, para maipakita ko sa iyo na mahalaga ka sa akin, Gianna," tugon nito sa kanya na parang nahihiya pa ito. Napakamot pa nga ito sa batok nito, na parang teenager na nasa harapan ng crush nito.
"Mahalaga ako sa iyo, Calvin?' She asked. Tumango naman si Calvin sa kanya at niyaya na siyang maglakad patungo sa loob ng penthouse.
Sa bawat hakbang niya petals ang nahahapakan niya at mga pulang lobo rin na hinahawi pa ni Calvin para sa kanya, para makalakad siya ng maayos.
Hindi naman niya maiwasang mapangiti at kiligin sa napaka romantic na set up na nakikita niya sa loob mismo ng penthouse ni Calvin. Marahil ito ang inasikaso nito kaya umalis ito sa bahay nila kanin
