"Calvin hindi pwedeng lagi kang ganyan. Umiinom at nagpapakalasing!" Sita sa kanya ng Mama niya nang madatnan siya nito sa bahay niya na umiinom mag isa sa may mini bar.
Ilang linggo na siyang ganito, laging umiinom. Nagpapakalasing siya para makatulog siya. Nahihirapan kasi siyang makatulog, dahil iniisip niya ang asawa na hanggang ngayon ay hindi pa rin niya mahanap-hanap. Kung saan-saan na siya naghanap pero wala pa ring makapagsabi kung saan nagtungo ang asawa niya. Alam niyang hindi lang naman siya ang naghahanap kay Gianna. Hinanap rin ito ng mga magulang nito. Wala rin idea ang mga ito kung saan nagtungo si Gianna. Sa galit pa nga sa kanya ni Mr. Saavedra ay nagawa siya nitong suntukin nang magkaharap sila. Deserve naman niya ang suntok ng Papa ni Gianna, dahil siya naman talaga an
