Emerson’s POV
PAGKADATING ko sa boardroom ng main office noong hapong iyon, ramdam agad ang tensiyon sa loob ng silid. Nandoon ang mga miyembro ng Board of Directors, ang legal team, at si Theon na mukhang wala pa ring pakialam habang nakaupo sa dulo ng mahabang lamesa.
Ibinaba ko ang pormal na dokumento sa tapat niya.
“Mula sa araw na ito, Theon, tanggal ka na sa posisyon mo bilang Vice President for Procurement,” malamig at mariing deklara ko. “At pormal nang ihahain ng Villanueva Land and Builders ang isang indemnity lawsuit laban sa’yo para bawiin ang danyos sa structural failure sa BGC tower. Ibig sabihin, mapi-freeze ang lahat ng allowances at discretionary funds na nakukuha mo mula sa kumpanya.”
“What?! Seryoso ka ba, Dad?!” biglang tumayo si Theon. Nahulog ang kaniyang sungl
