"Hija, gusto kong makilala itong Herea Zimmer na ito. Wala man lang larawan sa internet kaya gusto kong personal na makilala ang babae." Sinulyapan ako ng aking apo na agad sumimangot.
"Alam ko na iyang taktika na iyan, kapag hindi mo nagustuhan ay tiyak na ipagtatabuhayan mo. Ganyan din ang ginawa mo roon sa mga dating sumubok manligaw sa akin." Mataray na ani nito.
"Heay! Ginawa ko iyon kasi alam ko namang hindi ka interesado sa kanila. Gusto ko lang din namang makatiyak na nasa tamang babae ang Kuya mo."
"Tsk! No, Lolo! Hintayin mong si Kuya ang magharap sa 'yo sa babaeng napupusuan n'ya. Hayaan mo s'yang maging masaya." Pinal na ani nito.
"Para namang ipinaparating mo na hadlang ako sa love life ng kapatid mo." Reklamo ko rito.
"Bakit? Hindi ba?" parungit na tanong nito sa aki
