"Nakausap ko na ang partner ng Daddy mo, pwede raw nating kunin ang bangkay n'ya." Ganoon kadali sa babaeng iyon na ibalik sa amin ang aming ama dahil wala naman na itong pakinabang sa kanya. Pero para na lang din kay Lolo ay willing akong tanggapin ito.
"Ipapaayos ko na po ang lahat." Tumango naman si Lolo sa akin.
"Bumalik na ang lahat ng alaala mo, hijo? Hindi na ba sumakit ang ulo mo?" worried na tanong ng matanda. Mabilis naman akong umiling dito.
"Mabuti na po ang pakiramdam ko, Lo."
"Kumusta? Anong pakiramdam na nakilala mo na ang kambal?" tanong nito sa akin.
"Masaya, walang kapantay na saya. Nakakatampo lang kasi mas nauna mo pang nakilala kaysa sa akin." Reklamo ko rito na ikinatawa ni Lolo Jesus.
"Apo, ayos lang iyon. Makakasama mo naman sila ng mas matagal kaysa sa a
