Napakunot-noo si Wynn. Saktong kararating niya lamang sa tagpuan nila ng pinsang si Jane nang makita ang babaeng humahagos papasok. Si Althea iyon na sinalubong ng isang babae.
"Do you know her?" untag ng pinsan na nagpabalik sa kaniyang kamalayan. Maya-maya ay tumunog ang cellphone nito dahilan upang mabaling doon ang pansin nito. "Sorry, I need to get this call. Excuse me for a bit," anito saka tumayo mula sa kinauupuan nitong mesa.
Nang makaalis ang pinsan ay muling binalik ang pansin sa dalawang babae na noon ay bakas sa mukha ang excitement sa kanilang pagkikita.
Kahit papaano ay napangiti siya dahil nalamang hindi nagsisinungaling ang kasintahan at nalamang mali ang kaniyang hinala. Bahagya siyang nabahala nang makitang papalapit sa kanila ang dalawang tinitignan kaya mabilis na
