VRENDA
"Ano'ng ginagawa ng lalaking iyan dito sa pamamahay ko?" galit si Don Edilberto nang bumaba ng mataas na hagdanan ng mansiyon matapos niyang sabihan si Mildred na katukin ang Daddy niya sa kwarto at sabihing may bisita sila. Inaasahan na niya na ganito ang magiging reaksyon nito ngunit kumakabog pa rin ang dibdib niya sa kaba para sa kasintahan. Tiningnan niya ang binata ngunit diretso itong nakatingin sa kanyang ama. Kahit kaunti ay hindi niya kinakitaan ito ng kaba na makaharap muli ang matandang Dela Vega. Gaya ng sinabi nito kagabi ay maaga itong nasa bahay nila para makaharap ang Daddy niya. Kaagad itong tumayo nang tuluyang makababa si Don Edilberto.
"Magandang umaga po, Sir," buo ang boses na sabi ng binata. Matagal itong tinitigan ni Don Edilberto sa madilim na anyo haban
