"OH My God, Vrenda!!" tili ni Sheryl nang makapasok sila ni Marco sa kabahayan. Hindi nito inaasahan ang pagdating nila dahil sinadya nilang hindi ipaalam sa kaibigan. Kakuntsaba nila ni Marco si August na hindi pumasok sa opisina nang araw na iyon.
"Sheryl!!" ganting tili niya pagkakita sa kaibigan na itinuturing na niyang kapatid. Nakita niyang akmang tatakbuhin siya nito. "Hep! Diyan ka lang. Ang baby baka mapaano," natatawa niyang sabi kasabay ng pagtaas sa dalawang kamay sa tapat ng dibdib tanda na pinipigil niya ang kaibigan. Tumalima naman ito at huminto na lamang saka hinintay siyang makalapit.
"Bakit hindi kayo nagsabi na darating?" sagad ang ngiting tanong nito nang tuluyan siyang makalapit. Nagyakapan silang dalawa saka niya hinimas ang may kaumbukan na nitong tiyan.
"Alam
