22
Carra
Napapikit ako nang pumalahaw ng iyak si Lax matapos siyang tusukan sa kamay para sa swero. Hindi ko siya matingnan at hindi ko namalayan na umiiyak na rin ako habang yakap ko siya sa ulo.
“Tita Carra! It hurts! It hurts!” Ang lakas ng iyak niya at halos mawalan siya ng boses pero ayon sa duktor niya, kailangan siyang lagyan ng swero dahil dehydrated na siya.
Isa pa, may history siya ng hypersensitivity to antibiotics. Sumusuka si Lax kapag umiinom ng antibiotic kaya sa swero padaraanin ang gamot.
Bakit ganito ang mga rich kids? Kami noon kahit umaabot ng kwarenta ang lagnat, hindi pa rin kami naoospital pero ang mga mayayaman ay konting problema lang, nako-confine? Iyon din kaibigan kong si Alcione noong bata pa kami, kapag hinihika, naoospital pero ako noong nagdalaga at hin
