“Irereject nila ang katotohanan, at ang papakinggan lang nila ay mga gawa-gawang kwento.” – 2 Timothy 4:4
--
Chapter 36
Pearl
Alas dos y media ako nagkaroon ng pagkakataong lumabas ng tailoring shop. Patay ang oras. Wala masyadong pumupunta sa shop at nagpapahinga sa taas sina Tiya Bertha at Tiya Alma. Nananahi si Tiya Adora pero umidlip kaya nu’ng lumabas ako, hindi niya ako nakita. Hindi rin naman ako magtatagal sa labas. Bibilisan ko ang pagbili sa botika at uuwi rin agad. Sa bahay ko na iyon gagamitin.
“Para ho, Manong…” I braced myself even I was still in the tricycle cab. Nanginginig na ang mga kamay ko sa pag-abot pa lamang ng pamasahe sa driver. Hindi ko na kinuha ang sukli. Pagbaba ko, tumabi ako para tingnan ang mga tao sa loob ng kilalang botika rito sa amin.
I gulped,
