Napigil ni Honey ang kanyang paghinga. Bigla ay bumulwak sa kanyang dibdib ang matinding galit niya sa kanyang dating Yaya. Napatiim-bagang siya ng matindi at nakuyom niya ang kanyang mga kamao ng sobrang higpit. Gustong-gusto nang kumawala ang kanyang matinding galit. Kating-kati na siya na patayin ang traydor niyang Yaya. Pigil na pigil lang niya ang damdamin at sarili.
"Ate, gusto ko nang magpahinga," tinig ni Bayrhu.
Nakita niya ang pasimpleng pagsenyas sa kanya ng kamay ni Bayrhu. Babalik daw siya. Tapos ay tumakbo na ang kapwa niya bata.
"Hoy! H'wag mo akong takasan na naman!" sigaw ni Jamaica na sumunod sa alaga.
Nasapo niya ang kanyang dibdib nang tumahimik ang paligid. Grabe kasi ang pagtahip niyon sa kagustuhan niyang makapaghiganti agad sana sa kanyang traydor na Yaya. Pero
