Chapter 25
“Ayan! Perfect ditong kumain, walang mga babaeng nagkakandarapa sa iyo!” ani Stephanie, nakabukas ang dalawang mga braso na animo ay yayakapin ang Manila Bay.
Doon sila napadpad pagkatapos nilang dumaan sa drive thru. Maraming naglalakad doon na mga tao, palibhasa ay maganda ang panahon, hindi mainit at maulap lang.
SJ feels so relaxed. Masarap pala na mamalagi sa ganoong lugar. Palibhasa ay nasanay siya na sa condo nagpapalamig o sa mga five-star hotel kasama ang mga babae. Hindi pa siya kailanman nakapagpahinga nang ganito.
Ay!” tili ng isang babae nang muntik na iyong madapa dahil nakatitig kay SJ.
Agad itong bumusangot kaya naman humalakhak siya. Gigil din ito kapag may nakikitang mga babaeng halos lumuwa na ang mga mata sa kanya.
“Anong nakakatawa?” inis na sira
