Chapter 31
"M-Magandang a-araw po…M-mama at P-Papa?" umarko pa ang sariling mga kilay ni SJ sa mga lumabas na salita sa bibig nito, habang nakatingin sa mga magulang ni Stephanie.
Parang hindi pa ito magkandaugaga kung paano bibigkasin ang mga katagang iyon, na bagaman at simple nga, parang nakakatakot na sabihin, lalo na kung ang mga mata ng isang maitim na lalaki ay parang nagliliyab sa galit.
Napatingala ang dalaga sa boyfriend? Mama? Papa? Parang mas lalo siyang natakot dahil doon. Hindi alam ni SJ ang mga pinagsasasabi nito.
Naitago ng Mama ni Stephanie ang sariling labi, na halatang nagpipigil ng pagtawa dahil sa pakiki-Mama at Papa ng binata, pero ang ama niya ay mas lalong tumapang ang anyo.
"Anong maganda sa araw, lalaking hubad?" mabalasik na tanong ng ama niya at nagsi
