Bumaha ang nakakasilaw na liwanag sa buong paligid at sumentro iyon sa nakatagong sina Dylan at Hervey na nasa gilid ng isang sira-sirang sasakyan. Isang nakakalokong ngisi ang pinakawalan ni Dylan saka sumulyap sa katabi bago lumipad ang tingin sa kinaroroonan nina Kraven at Quiavan hindi kalayuan sa kanila. Sa sobrang liwanag ng paligid ay nagmistulang umaga sa labas ng bodega at kitang-kita ng binata ang mga sira-sirang sasakyan na sa tingin niya ay mga nakaw saka rito itinambak.
Narinig ni Dylan ang sabay-sabay na pagkasa ng baril ng mga kalaban at hinuha niyang nakatutok iyon sa kanilang apat kaya mabilis siyang nag-isip ng paraan upang hindi sila maipit at ma-corner sa bakbakan na maaring mangyari kung sakali. Nais niyang makabalik ng buhay sa kanyang pamilya lalo na at naghihintay
