***
Dahil nanginginig pa rin ang kamay ni Aleesha sa sinabi ni Connor ay halos mabitawan niya ang hawak na kopita. Wala sa sariling bumalik ang atensiyon niya sa mesa at hindi maiwasang mag-aalala para kay Dylan. Kilala niya si Connor, kung ruthless ang asawa niya ay mas malala ito. Hindi ito mangingiyemeng pumatay ng tao, inosente man o hindi, bata man o matanda ay walang takas.
Kinuha niya ang kakalapag lang na kopita at inubos ang laman niyon upang pakalmahin ang sarili. May tiwala siya kay Dylan, at alam niyang hindi ito mapapahamak lalo pa at nandito rin ang mga teammate nito. Ngunit sa hindi maipaliwanag na dahilan ay may kakaibang kaba siyang naramdaman, at paulit-ulit na nagre-replay ang eksena ng pakikipag-usap sa kanya ni Connor.
Akmang kukunin niya ang cellphone sa purse n
