***
Ang cellphone na hawak ni Aleesha ay kaagad niyang nabitawan nang muling inulit ni Rick ang balita tungkol kay Dylan. Namanhid ang buong katawan niya at hindi siya makakilos habang ang luha niya ay patuloy at masaganang umagos sa namumula na niyang mata. Ayaw niyang maniwala sa sinabi ni Rick. Hindi totoo ang sinabi nitong nawawala si Dylan at baka may posibilidad na nakuha ito ng kalaban ayon na rin sa pag-iimbestiga nito sa lugar kung saan nakipaglaban si Dylan kay Connor.
“No! It can’t be. Hindi totoong may nangyaring masama kay Dylan. Baka nakatakas siya. Baka pabalik na siya rito. Please, Kuya, let’s look for him,” pakiusap ni Aleesha kay Elliot na nakamata lang sa cellphone nitong hawak at may binabasang mensahe.
Hindi na alam ni Aleesha ang gagawin, natataranta na siya. Hind
