El Blanco Forest
“Sigurado ka bang hindi mo kailangan ng kasamang tutungo sa EL BlANCO?” si Enzo, habang isa-isang binubuklat ang mga larawang nasa loob ng plastic envelope.
Nagkibit siya ng balikat. “May dala akong mapa ng buong El Blanco, Enzo. Hindi ako mawawala. Isa pa isang araw lang ako roon. You sound worried, man. Thank you. ”
“Tsk... Tsk! Hindi basta sa El Blanco ang punta mo, cousin. Balita ko, ang gubat ng El Blanco ay mala-fictional place. Hindi ko nga alam kung may El Blanco na lugar sa mapa ng Pilipinas, e. I’m worried ya’ know. Ikaw lang ang pinsan kong maraming kilalang babaeng puwedeng mag-model para sa mga obra ko.”
Marami namang kilalang mga babae at maraming naging babae ang pinsan niyang ito dahil tulad din niya, matinik pagdating sa kuweba ni Eba. Iyon nga lang ay
