NAGULAT si Karen nang mapagbuksan nito ang matalik niyang kaibigan na si Jandie. Nagtaka ito kung bakit biglang sumulpot sa kaniyang bahay ang kaibigan gayong wala naman itong ipinaalam sa kaniya na dadalaw o paparoon siya sa kanila.
"Jandie?" bulalas ni Karen, "Bakit hindi ka man lang nagpasabi na paparito ka?" hindi makapaniwalang tanong nito.
"Karen, puwede papasukin mo muna ako?" tugon niya. Pagod na pagod siya sa mahabang biyahe.
"Okey. Pasok ka." Tinulungan niyang buhatin ang maliit na traveling bag ng dalaga.
"Kumusta ka na?" tanong nito nang tuluyan nang makapasok ang kaibigan.
"Tumakas ako sa bahay." pagtatapat ni Jandie kay Karen sabay bagsak ng katawan sa malambot na sofa. Masakit ang katawan niya sa pagkatagtag sa biyahe.
"What?! Ano'ng nangyari?" shocked na tanong
