HAPPY
PINUNASAN ko ang mga luhang tumulo sa aking mga mata bago bumaba ng kama. It’s been three years. Dapat ay matagal na akong nakalimot sa nakaraan. Hindi ko na kailangan pang maapektuhan nang ganito.
Papunta na ako sa banyo para maligo nang tumunog ang cellphone ko. Nilingon ko muna ito na nakapatong sa ibabaw ng kama bago binalikan. Someone’s calling. Agad ko itong dinampot nang makita ko ang pangalan na lumabas sa screen.
“Hello, Jes. Good morning,” bati ko sa kakambal ni Jeffrey na nasa kabilang linya. “Sorry. Hindi na ako naka-reply kagabi. Maaga kasi akong nakatulog. Napagod ako sa pag-eempake,” paliwanag ko. Magka-text kasi kami kagabi. Kaninang umaga ko na lang nakita na sobrang dami ng text niya sa akin na hindi ko na nagawang reply-an.
“It’s okay. Alam ko naman na nakatulo
