RAY
“THE operation was successful and you’ve been sleeping for four hours…”
Nang sabihin iyon sa akin ni Lizzy pagkatapos ko siyang tanungin kung ano ang ginagawa ko rito sa ospiital, saka ko lang naalala ang lahat. Isinugod nga pala ako sa ospital nang madatnan ako ni Jasmin sa aking silid na nahihirapan nang huminga. Nawalan ako ng malay noon.
Nagkamalay na lang ako na nakahiga na sa stretcher at dinadala sa emergency room. Sa kabila ng paghihingalo ko sa mga oras na iyon, nakita ko pa ang isa ring pasyenteng lalaki na dinadala rin sa emergeny. Halos sabay na itinutulak ng mga medical staff ang stretcher namin that time.
Pareho kaming nag-aagaw-buhay. Ang kaibahan nga lang, naliligo sa dugo ang lalaking iyon. Gayon man ay nagawa pa niyang ngumiti sa akin at pilit na inabot ang akin
