PAGPASOK ni Zarina sa kuwarto ay nagtataka siya bakit may nagkalat na talulot ng sariwang pulang rosas sa sahig hanggang sa kama. Kinikilabutan siya. Imposible namang may nakapasok sa kuwarto niya para magkalat ng talulot. Doble ang lock ng pinto ng kuwarto. At sino naman ang baliw na gagawin iyon sa kuwarto niya?
Hindi lang iyon ang unang beses na may nakialam sa kuwarto niya. Huwag lamang may manakit sa kanya roon baka kung anong mangyari sa kanya. Hindi niya pinansin ang bulaklak. In-lock niya ang pinto saka unti-unting hinubaran ang kanyang katawan. Pagkuwa'y pumasok siya sa banyo at pinaliguan ng maligamgam na tubig ang katawan.
Nagsasabon pa lamang siya ng katawan nang may narinig siyang kanta mula sa DVD player. In-off niya ang shower nang mapakinggan maigi ang tugtog.
♫ I've bee
