Dahil sa kapangahasan ni Caleb kaya naging sentro kami sa atensyon ng mga tao sa restaurant.
Narinig kong may naghiyawan ng "Awww! Sana all!" Nagpalakpakan pa ang ibang taong nandoon kaya napatigil kami.
Iginala ko ang aking paningin sa loob at labas ng restaurant para alamin kung may mga nakatingin pa ba. Alam ko kasing agaw-pansin talaga ang ginawa namin dahil nasa harap kami ng pinto kung saan makikita ang labas at ang loob ng restaurant lalo pa at glass door ito. Sa sobrang transparent ay wala ng maitatago. Lahat ay nakatingin sa amin ng nakangiti at may iba na parang kilig na kilig. May mga humalik pa sa kani-kanilang mga partner kaya parang ang gaan ng atmosphere sa loob ng restaurant.
May lumapit pa sa amin na medyo may-edad na mag-asawa. Tinapik pa ang balikat ni Caleb at nag
