Lumapit sina Lola at Grandma sa aming lahat at niyakap ang mga kapatid ko. Sinalubong din ako nang mahigpit na yakap nilang dalawa habang patuloy pa rin ang pagdaloy ng luha sa kanilang pisngi. Kinuha ni Grandma ang kamay ko ng may pag-iingat bago ito humarap sa akin at nagtanong. Alam ko naman na alam na nila ang buong ang nangyari hindi lang dahil naisalaysay ng Mommy ni Caleb kung hindi dahil pinahanap din nila mismo ang video at pinanuod bago nila ito ipina-delete. Lahat kasi ng bagay kinokumpirma nila muna sa taong involved bago sila gumagawa ng agarang desisyon.
"Shine apo, sa kanila mo ba nakuha 'yang pasa mo sa braso?" Malamlam ang matang tanong ni Grandma sa akin habang tahimik lang na naghihintay ng sagot si Lola na nasa likuran nito na hinayaang bigyan ng oras si Grandma sa aki
