LYKA
BAGO kami umuwi ni Verex ay dumaan muna kami sa isang mall para bumili ng laruan na pasalubong namin kay Pablo. Eksakto naman na may show pala rito ang tatlo sa paborito kong local actors. Hindi ko mapigilan ang hindi mapahinto at mapatingin sa kanila kahit sandali lang. Nakihiyaw pa ako sa ibang fans nang sumayaw at kumanta silang tatlo.
Napahinto lang ako sa aking ginagawa nang mapansin ko ang aking asawa na tahimik lang sa aking tabi.
“Bakit nakasimangot ka? Gusto mo bang umuwi na tayo?” nagtatakang baling ko sa kaniya dahil halos lahat ng tao sa paligid ay masaya at nagtitilian. May mga kasamang babae rin kasi ang mga idol ko. Kaya kahit ang mga lalaki ay napapangiti rin.
Bukod tanging asawa ko lang ang mukhang nalugi sa negosyo.
“You should not smile because of the other gu
