LYKA
DALAWANG buwan na rin akong walang tigil sa pagpapasalamat sa Diyos dahil sa kabutihang ipinagkaloob Niya sa amin. Mula sa heart donor, sa matagumpay na operasyon, at sa unti-unting paggaling ni Pablo.
Sa ngayon ay nananatili pa rin kami sa poder ni Verex para sa pag-monitor niya sa kalagayan ng aming anak. Saka lamang kami babalik sa Legazpi kapag tuluyan nang gumaling si Pablo.
“Nanay, bakit po ibinigay sa akin ni Althea ang puso niya? Akala ko ba galit siya sa akin?” puno ng katanungan ang mga mata ng aking anak nang sabihin namin sa kaniya ang totoo.
Masuyong ginagap ko ang kaniyang kamay. “Sinabi ko naman sa’yo na huwag mo siyang sukuan, di ba? Dahil hindi totoo na ayaw niya sa’yo. Mahal ka ng kapatid mo kaya ibinigay niya sa’yo ang puso niya.”
“Kaya lang wala na siya… Wala
