Maaga akong nagising dahil maghahanda pa ako ng almusal ni Blake. Pagkatapos kong magluto ay nagtungo ako sa sofa bed at doon umupo. Medyo masama kasi ang pakiramdam ko at hindi ako mapalagay.
"Aalis na ako."
Mabilis akong napabalikwas mula sa pagkakaupo.
"Mag-ingat ka." Sagot ko at hinatid siya patungo sa labas.
Nang makasakay siya sa sasakyan ay sinara ko na 'rin ang gate. Pagkatapos ay tinignan ko ang hinain ko para kay Blake. Mabuti naman at kinain niya ang inihanda ko para sa kanya.
Habang nagpapahinga ay narinig ko ang pagtunog ng doorbell. Tinignan ko kung sino iyon. Saglit na napakunot ang noo ko nang makilala ko ang babaeng nasa tapat ng gate.
"Nandiyan ba si Blake?" Tanong niya sa akin habang pinipindot ang cellphone niya.
Para bang umakyat ang lahat ng dugo ko sa mukha ko
