"Man hey! Where have you been, dude!"
Tuluy-tuloy si Haris na tila hindi narinig ang bati sa kanya ng kaibigan at isa sa mga kasamang may mataas na position sa Lass Liquors.
Tila ba wala siya sa mood kung kaya't hindi narinig o napansin man lang ang mga tao sa paligid niya, basta tuluy-tuloy lamang siya sa paglalakad at dire-diretso.
"Anong problema nu'n?" Napapailing na napapakamot-ulo na lamang ang halos kaedad lang din na nasabing kaibigan.
Dumiretso siya papunta sa kanyang opisina at doon ay kumuha kaagad ng maiinom sa kanyang mini fridge tapos ay binuksan ang laman ng can alcoholic drink at walang pakundakang tinungga iyon.
Naglakad siya papunta sa mahabang sofa at sumalampak doon. Isang tungga pa sa lata ng alak at tuluyang naubos iyon na parang hindi man lang niya inda. Hinayaa
