DANAYA
Hinatid ako ng mag-asawang Irma at Pedring dito sa bahay. Sumama sila sa akin pag-uwi dahil hindi nila ako pinagbuhat ng dalawang kahon ng mga damit at gamit na para sa amin ng anak ko.
Kay Ate Precy ako nakakuha ng ganitong ideya para hindi ako masundan. Safe pa rin naman kahit bumili ako ng mga damit para sa amin ng anak ko dahil hindi naman nakapangalan sa akin at galing sa ibang account ko overseas ang ginamit kong pambayad, which is why hindi nila iyon masusundan.
“Ang dami nito, tamang-tama kapag nanganak ka, Dana. Kumpleto na kayo sa gamit ni baby,” nakangiting sabi ni Aleng Irma.
Binuksan kasi namin ang kahon at tiningnan ang mga damit na laman nito. Tinulungan na rin kami ni Mang Pedring dahil may kalakihan na ang aking tiyan.
“Ang gaganda naman, siguradong mahal ang m
