DANAYA
Parang dinudurog ang aking puso habang nakatingin ako sa asawa ko. Wala pa rin siyang malay, at hanggang ngayon ay hindi nagigising simula nang matapos ang operasyon sa kanya.
Hindi ako umalis sa tabi ng asawa ko kahit sinabi sa akin ni Ninang Camilla na umuwi muna ako sa bahay at sila na lang daw ang bahala dito sa ospital.
Binigyan kami ng private room ni Ate Sofia, at doon na ako naligo at nagbihis kanina. Nandito pa rin sa ICU ang asawa ko, at pinayagan naman akong makita siya. Basta maayos ang suot ko, sumunod ako sa patakaran nila dito sa ospital.
Inabot ko ang kanang kamay ng asawa ko at maingat na pinagsalikop ang aming mga palad. Paborito niya itong gawin kapag kasama ko siya. Wala siyang pakialam kahit sino pa ang kasama namin, basta't gusto ni JC na hawak niya ang kam
