DANAYA
“What happened?” tanong ko agad nang makarinig ako ng malakas na iyak sa labas ng silid ko.
“Ma'am, si Janica po, kinagat ng anak ni Ma'am Sofie, pero gumanti po ang bata at sinabunutan niya ang alaga ko, kaya po siya umiyak,” sumbong sa akin ni Beth.
Nandito kasi kami sa hotel dahil mas malapit ito sa simbahan at reception ng kasal namin ni JC. Dumating rin ang mga pinsan ko, pati si Ate Sofie, kasama ang kanyang anak at asawa.
Pasaway talaga si Janica. Nakasanayan niyang kagatin si Duncan, pero dahil hinahayaan siya ng kapatid, nasanay na siya, kaya pati ang anak ni Ate Sofie ay kinagat rin.
Kambal rin ang mga anak ni Ate Sofie. Parehong lalaki at mas matanda ng isang taon kina Duncan at Janica.
“Huwag mo munang palapitin sa kanila si Janica at baka kagatin ulit ang kambal,
