DANAYA
Sa Suarez Medical Center dito sa Makati, dinala nina Ate Sofia si JC. Pag-aari ito ng pamilya niya, at isa sa mga doktor dito ang pinsan ko, kaya mas pinili nilang dalhin dito ang asawa ko kumpara sa sarili niyang ospital.
Katabi ko ngayon si Aryan habang naghihintay ng resulta sa ginagawang operasyon kay JC sa loob ng operating room. Hindi ako iniwan ng kapatid ko kahit saglit dahil nag-aalala siya sa akin.
Busy ngayon sina Daddy, lalo na si Ninong Jared, dahil ayaw niyang lumipas ang araw na ito na hindi nila napapanagot ang taong may kagagawan ng pagsabog sa restaurant, kaya nakaratay ngayon dito sa ospital ang asawa ko.
Nakaupo ako sa waiting area at tahimik na nagdarasal na sana'y walang masamang mangyari sa asawa ko. Hindi ko pa siya nakita simula nang dumating kami dahil
