JC
Sa ospital ako tumuloy dahil pakiramdam ko ay nabasag ang mukha ko dahil sa lakas ng mga suntok ni Ninong Dexon. Malaki ang hakbang ko habang papasok ako sa lobby dahil ramdam kong maraming mga mata ang nakatingin sa akin.
Alam kong nagtataka maging ang mga security guard at nurses na nakakita sa akin sa entrance ng ospital dahil ngayon lang nila ako nakitang dumating na duguan.
Pumutok ang kilay at labi ko. Maraming dugo rin ang tumulo sa damit na suot ko dahil matagal bago naampat ang dugong umagos kanina mula sa ilong ko.
“Boss, anong nangyari sa iyo?” tanong ng isa sa mga doktor na nakasalubong ko.
Nag-offer siya na gamutin ang mga sugat at pasa sa mukha ko, pero tinanggihan ko agad ito.
Tumuloy ako sa opisina ko at tinawag ang secretary ko.
“Call Doctor Bragais,” utos ko kay
