NANG makasiguro ang hospital na maayos na ang kalagayan ni Serenity ay pinayagan na itong ipagpatuloy ang mga iinuming gamot sa bahay. Iniuwi ni Count ang asawa at doon na lamang din sa mansion itinutuloy ang therapy na kinakailangan ng katawan ng asawa upang tuluyang makakilos. Ipinagpatuloy rin ni Count ang pansamantalang pamamahala sa loob ng organisasyon kaya naman masiyado siyang naging abala sa maraming bagay, lalong-lalo na sa pag-aaral ng mga dokumentong dumarating sa mansion mula sa organisasyon at ilan nilang mga naganap na transaksyon.
Ngayong araw ay binisita siya ng ilang tauhan ni Serenity sa mansion upang personal na makausap. Iniabot ni Lester sa kaniya ang isang long envelope na naglalaman ng ilang mga dokumento sa loob ng organisasyon. “Winithdraw na ni Gino ang lahat n
