WALA RIN namang kaalam-alam si Serenity pagdating sa pagbubuntis. Ang totoo niyan ay bala at baril ang alam niyang asikasuhin sa kaniyang buhay kaya naman hindi siya sigurado sa kung ano nang nagaganap sa kaniyang katawan. Kakaiba ito at nagbibigay kaba sa kaniyang dibdib. Napapaisip siya kung mayroon na bang sakit na malala o kung ano man kaya naman lihim na nag-set ng appointment sa kaniyang doctor. Hindi niya ito sinabi kay Count dahil hindi niya nais na mag-alala ito.
Ngayon pa lamang ay nananalangin na siyang maging maganda ang resulta at hindi negatibo, dahil tiyak na hindi niya kakayaning sabihin sa asawa. Mamaya na ang kaniyang appointment ngunit hindi siya makakuha ng pagkakataon upang umalis. Ang pagkakaalam niya ay aalis si Count at magtutungo sa headquarter upang tignan ang m
