KATATAPOS lamang maligo ni Count at magpatuyo ng sarili. Naisipan niya nang sumampa sa kama habang bahagya pang humihikab. Itinabi niya na lamang muna ang sopas, iinitin na lamang bukas para sa asawa. Niyakap niya si Serenity nang tuluyan siyang mahiga at dinampian ng halik ang balikat nito. Saka nanumbalik sa kaniyang isip ang sinabi nila Hestia kanina patungkol sa pagbubuntis nito. Hindi niya mapigilang masabik at hindi rin mapigilan ang ngiti. Hanggang ngayon nga sa tuwing naiisip niya iyon ay napapangiti pa rin siya at napapadasal na sana ay totoo nga.
Hindi man niya pinangarap maging ama noon dahil hindi nais magkaroon ng responsibilidad, ngunit binago ni Serenity ang pananaw niyang iyon. Ang lahat patungkol sa kaniya ay nagbago simula nang dumating ito sa kaniyang buhay. Ang lahat
