Malakas ang kabog ng puso ni Kimberly habang naghihintay sa loob ng opisina ni Sam. Doon kasi siya pinaghintay ng executive assistant nitong si Lorna dahil nasa meeting pa raw ang binata. Puno ng karangyaan ang paligid pero hindi iyon nakatulong para kumalma ang dibdib ni Kimberly.
Ilang araw na kasi siyang nagpabalik-balik sa opisina ni Sam ngunit sa tuwina ay bigo siyang makausap ang binata. Kung hindi nga lang naawa si Lorna sa kaniya kanina nang makaramdam siya ng pagkahilo ay nunca na makapasok siya.
Uminit ang bawat sulok ng kaniyang mga mata. Hindi niya mapigilan ang sarili na masaktan dahil basta na lang binalewala ni Sam ang kanilang relasyon nang hindi man lang inaalam ang totoo. Alam niyang nagkakaganoon ang boyfriend niya dahil sa karanasan nito sa panloloko ni Whena.
Pero h
