Hindi siya nito sinagot. Sa halip ay nagpatuloy ito sa pagtitig sa kaniya nang may pagtataka sa mukha.
Tumikhim siya saka umiwas ng tingin. "Because if you do, then I'll let the two of you alone. P-puwede tayong maghiwa—"
"No. Hindi ko siya gusto."
Mabilis siyang nag-angat ng mukha at muling sinalubong ang mga mata ng lalaki. Ewan ba niya pero pakiramdam niya, gumaan ang loob niya sa sinabing iyon ni Linus.
"Ciara, iyong nakita mo kanina... wala iyon. Parang kapatid lang ang turing ko kay Kaname."
Tinitigan niya ito nang mataman. "Parang kapatid?" Hindi niya mapigilan ang mag-angat ng isang kilay. "Ilang araw pa lang kayong magkakilala, parang kapatid na agad ang turing mo sa kaniya."
Napangiti si Linus. "Kung hindi mo lang sinabi na matindi ang galit mo sa akin, iisipin ko talagang
