NAPANGITI naman si Jhoyce nang marinig niya ang kotse na tumigil sa harap ng bahay nila at alam niyang si Ira na 'yon. Sa wakas ay makakapunta na rin siya sa Laguna. Kanina pa siya nakabihis at naka-ready na rin ang mga gamit niya. Hindi lang talaga siya lumalabas ng kuwarto kasi alam niyang magtatanong ang magulang nito kung saan pupunta.
Nang makarating si Ira sa bahay ng kaniyang kaibigan ay hindi na siya nag-abala pang ayusin ang pagkaka-park ng kotse na ginamit nito dahil alam niyang aalis din naman sila matapos magpaalam. Nang makapunta sa may pintuan ay may maid naman na nagbukas ng pintuan para makapasok ito. Napatingin naman ang mga magulang ni Jhoyce at asawa nito sa kaniya nang makapunta ito sa loob.
"Ira, anong ginagawa mo rito?" gulat na tanong ni Angelo--- ang Daddy ni Jhoy
