HINDI makapaniwala si Ira nang makita ang lalaking nagpaalam sa kaniya noon na aalis at pupunta ng ibang bansa. Akala niya ay makikita niya ito ng matagal, pero ilang buwan lang din ang nakalipas nang bumalik ito sa Pilipinas.
Anong ginagawa ng isang Lester Pangilinan dito?
Napatalon si Ira sa gulat nang magtama ang paningin nila ni Lester. Kahit ang katabi nitong si Luis ay napalingon sa kaniya dahil nabigla rin ito sa ginawa ng dalaga. Hindi alam ni Ira kung ano ang ipapakitang reaksyon sa binata. Hindi ganoon kalayo ang stage kung nasaan 'yong pwesto nila ngayon kaya posibleng magkakitaan talaga ang dalawa.
Pinagmasdan ni Ira si Lester, pero para bang walang nagbago sa reaskyon nito nang makita siya. Hindi niya alam kung natatandaan pa ba ito ng binata o ayaw lang talaga siya alalaha
