SA WAKAS AY TUMAMA RIN ang weather forecast kinabukasan. At karaniwan nang kapag ganoong katatapos lang ng ulan ay nagbababad si Ace sa kanyang silid at natutulog maghapon. Pero paano siya makakapag-relax kung may umookupa sa kanyang silid? Masakit na ang likod niya sa pagtulog sa sofa sa sala kaya naisipan niyang gumising na lang nang maaga at maglinis ng mga naputol na sanga at nalaglag na mga dahon ng puno dahil sa ilang araw na malakas na pag-ulan.
Paradise Vistanilla. Nice name, nice eye. Bad attitude, bad decision.
“Masyado ka yatang abala. Ano `yan?”
Nilingon niya ang dalaga. “Kulungan,” maikli niyang sagot. “Para sa mga makukulit na hayop na naliligaw rito kapag umuulan.”
“May maitutulong ba ako?”
“No need. Kaya ko na ‘to.” Strange, but it seemed like he was starting to get
