PAGKATAPOS malinis ang kusina ay bumalik si Prix sa silid. Kumuha siya ng isang papel at doon isinulat ang mga katangian ni Ace na natuklasan niya.
“Dear Blu, heto ang request mo tungkol sa antipatiko, pakialamero, at super mega over antipatiko ulet na si Rian Ace Morales. He is an impossible person to deal with, lalo na kung wala sa mood. Nakakagigil siya. Sarap kurutin sa pisngi.” Tinitigan ni Prix ang nakasulat sa papel. Kitang-kita ang emosyon niya sa madiin niyang pagsusulat sa papel na halos mabutas na. “Well, pinakain niya ako at pinatira rito so…” Dinagdagan niya ang mga naisulat na. “Mabait naman siya kapag tinatadyakan siya ng kanyang kunsensiya. Masarap din siyang magluto. Gu…waaaaa…poooo…” Nahirapan si Prix na isulat ang huling salitang iyon. Kaya binura na lang niya. “Maput
